Човечкиот род е во криза –
животните веќе формирале кризна група.

Некои години ги запомнуваме
по тоа што сме ги заборавиле.

Остави простор
да го прегази времето.

Кај нас секоја средина
е малку лево.

Само за одредени кругови
средината е центар.

За свињата, калта е
здрава животна средина.

Не им се сите овци на број.
Живеат во трло без кучиња.

Беше чудо од дете.
Сега е чуден човек.

Нема судир на генерации!?
Возрасните спијат ноќе,
а младите дење!

Цел живот правиме нешто
за нашите потомци.
Тие за нас ќе направат некролози.

Во просек сите се просечни.

Не трчам по успеси.
Знам каде да ги чекам