Сиромаштијата се препознава во секакво руво!

Што не можеш денес остави го барем за утре!

Амбициозниот Сизиф упорно тркала камен-темелник!

Секоја борба бара жртви, но секоја жртва не бара борба!

Вистината е во виното. Кафеаните се најреални центри за испитување на јавното мислење!

Ако ви падне секирата во мед,
ќе добиете пријатели здодевни како муви.

Иронија: цел живот пливаш во долгови,
а се давиш во вирче!

Не плукај во празно,
ќе погодиш нечија глава!

Наследникот: го наследи дуќанот,
но не и занаетот.

И зад лажните вредности,
стојат вистински авторитети!