Кога му е жешко на газерот прекипува и кајмакот.
Многу истории се запишани во каменот,
но и многу камења во историјата.
Кај што е џунгла највисоко се качуваат мајмуните.
Ништо не гледам, ништо не слушам –
одлично се чувствувам.
Чекајќи да му падне секирата в мед,
остана без огрев.
Тие го закопаа, а тој – мртов ладен.
Дури и чајникот пишти кога му гори под нозете.
Тешко на религијата во која атеизам проповедаат – боговите.
Сточарскиот занает го имаме во малиот прст.
Знаеме да матиме, молземе и стрижеме.
Балонот прво се дуе па летнува.
Човекот прво летнува, па се дуе. |