Ако некого и ликвидиравме,
тоа беше во самоодбрана.

Алејата на великаните
се гробишта на револуцијата.

Ќе бидам критичен и самокритичен.
Сите сме виновни.

Братоубиствената војна е доказ
дека и пред војната бевме браќа.

Браќата не се поднесуваат
уште од времето кога не беа браќа.

Дека ова е најотворена земја,
гарантираат тристотини илјади емигранти.

За Санчо Панса,
Дон Кихот беше авангарда.

Кога е апаратот совршен,
копијата е поверна од оригиналот.

Одисеј талкаше сам.
Ние имавме водач.

Го оставивме српот и чеканот.
Западната технологија е подобра.